Azərbaycan Marketinq Zirvəsi 2026

18 oktyabr tarixində Hilton Baku-da Azərbaycan Marketinq Zirvəsi 2026 baş tutacaq. Zirvə ölkənin və regionun marketinq liderlərini, brend rəhbərlərini, sahibkarları və sahənin aparıcı mütəxəssislərini bir araya gətirən genişmiqyaslı marketinq tədbiridir.

Tədbirin əsas məqsədi marketinq sahəsində bilik və təcrübə mübadiləsini gücləndirmək, yeni yanaşmaları müzakirə etmək, peşəkar əlaqələrin qurulmasına və strateji əməkdaşlıqların yaranmasına imkan yaratmaqdır.

Zirvə çərçivəsində marketinqin biznesə təsiri, CMO rolunun dəyişməsi, məhsul və growth marketing, neyromarketinq, rəqəmsal platformaların gələcəyi, süni intellekt və müasir kontent yanaşmaları kimi mövzular müzakirə olunacaq.

Tədbir 22 spikerin iştirakı ilə 21 sessiyadan və 6 əsas hissədən ibarət olacaq. Proqram tək səhnə formatında keçiriləcək və günün sonunda Azerbaijan Marketing Awards mərasimi ilə yekunlaşacaq.