About
22 May 2024-cü il saat 10:00-15:00 tarixində Bakı Mühəndislik Universitetində “CareerFest BEU 2024” adlı mötəbər festival təşkil ediləcək. Tədbirin məqsədi əmək yarmarkalarına yeni rəng, yeni nəfəs, yeni maraqlar qatmaqla tələbə və məzunlarla müəssisələri açıq havada festival formatında bir araya gətirmək, interaktiv fəaliyyətlər, musiqili qonaqlar, oyunlar və əyləncəli təcrübələrlə tələbə və məzunlara iş imkanlarını təklif etmək, şəbəkələşmə imkanları yaratmaqdır. Karyera Festivalında dövlət və özəl sektora aid müxtəlif təşkilatlar iştirak edəcəkdir. Festivalda bütün Azərbaycan universitetlərinin tələbə və məzunları qeydiyyatdan keçərək iştirak edə bilərlər.