Dayanıqlı Biznes: Korporativ İdarəetmə, Risk və Komplayens (GRC) Konfransı 2026

“Komplayens Assosiasiyası” İctimai Birliyinin təşkilatçılığı ilə keçiriləcək “Dayanıqlı Biznes: Korporativ İdarəetmə, Risk və Komplayens (GRC) Konfransı 2026” dövlət qurumlarının, tənzimləyici orqanların, özəl sektorun və GRC sahəsi üzrə aparıcı mütəxəssislərin bir araya gəldiyi peşəkar dialoq və təcrübə mübadiləsi platformasıdır.

Konfransın əsas məqsədi Azərbaycanda effektiv komplayens ekosisteminin inkişafına töhfə vermək, dövlət və özəl sektor arasında əməkdaşlığı gücləndirmək, korporativ idarəetmə və risklərin idarə olunması sahəsində aktual məsələləri müzakirəyə çıxarmaq, eləcə də yerli və beynəlxalq qabaqcıl təcrübələrin paylaşılması üçün vahid platforma yaratmaqdır.

Konfransın əsas mövzuları

Konfrans çərçivəsində müasir biznes mühitində GRC sahəsinin ən aktual istiqamətləri müzakirə olunacaq: Azərbaycanda komplayens sahəsinin mövcud vəziyyəti və inkişaf perspektivləri, korporativ idarəetmədə komplayens funksiyasının strateji rolu, dövlət və özəl sektor arasında əməkdaşlıq, biznes mühitində şəffaflığın gücləndirilməsi və komplayens mədəniyyətinin inkişafı.

Bununla yanaşı, süni intellektin komplayens funksiyalarına təsiri, kriptoaktivlər və virtual aktiv xidmətləri, ESG və dayanıqlı idarəetmə, yaşıl enerji və qeyri-maliyyə sektorunda komplayens təcrübələri kimi gələcəyin GRC gündəliyini formalaşdıran mövzulara xüsusi diqqət ayrılacaq.

Daha güclü idarəetmə. Daha etibarlı gələcək.