III Stomatoloji Xeyriyyə Konfransı

🤝 Bu il xeyriyyə konfransımızın məruzəçiləri həm ölkə xaricindən gələn lektorlar, həm də yerli mütəxəssislərdir. Konfransımıza xeyriyyə məqsədilə təmənnasız qoşulan lektorlarımız - Almaniyadan Sascha Hein, Xorvatiyadan Marko Jakovac, Sloveniyadan Dragan Stolica və ölkəmizin dəyərli lektorları Asif Arxməmmədov, Aslan Məmmədov, Bəxtiyar Əliyev müxtəlif xəstəliklərlə mübarizə aparan azyaşlıların həyatlarını xilas etmək üçün yola çıxdığımız bu xeyir işimizdə bizimlə birlikdədirlər. Konfransdan toplanan gəlirin 100%-i xeyriyyə məqsədi ilə xərclənəcəkdir. Konfransda Sascha Hein Stomatologiyada rəng təyininin instrumental imkanlarının və məhdudiyyətlərinin araşdırılması; Asif Arxməmmədov İmplant və diş arasında balans: dağılmış dişlərin müalicəsində uzunmüddətli uğur və nəticələr üçün strategiyalar; Marko Jakovac və Dragan Stolica Mürəkkəb ağız reabilitasiyası üçün protokol: funksiya və estetika; Aslan Məmmədov və Bəxtiyar Əliyev Optimal estetik və funksional nəticələrin əldə edilməsində komanda yanaşması adlı çıxışlarla qarşınızda olacaq. Böyük mükafat fondu olan poster müsabiqəsi, Dr.Cavid Əhmədbəyli və Dr.Teymur Məmmədovun moderatorluğu ilə lektorlarımızla maraqlı panel müzakirə Sizi gözləyir. Gəlin birlikdə həyat xilas edək!